ဆိုးသွမ်းမှု ဆိုဘေမယ့် . . .

-
တစ်ယောက်ကိုတစ်ယောက် လျှို့ဝှက်နေရတာ မကောင်းဘူးလား၊
သံယောဇဉ်ကို ရောင်းစားဖို့ ကြံရင်တောင် ငါဟာ လက်ထဲမှာ တစ်ပြားမှမရှိသူ၊
လရောင်ကိုကြည့်လို့ပြောလည်း မကြည့်ဘူး၊
သာယာမှုဆိုတာကို အဘိဓာန်ထဲမှာ မှင်နီတားပြီး ခြစ်လိုက်ပြီ၊
အိပ်မက်ဆိုတာ အတုအယောင် စိတ်ကူးယဉ်မှု၊ လှည့်စားမှုတစ်ရပ်၊
နာကျင်မှုသာ ဒဏ်ရာအစစ်အမှန်ပဲ၊
ဘာမှလုပ်လို့ မရဘူးမလား၊ ဒီလိုပဲ ဖြစ်တတ်တယ်၊
နားကြပ်ကို နားထဲက ဆောင့်ဆွဲထုတ်လိုက်၊
ချေနေတဲ့လူတွေအားလုံးကို တစ်စစီပြန်ခြေပစ်၊
ကဗျာဆိုတာ ကိုယ်ရေးချင်မှ ဖြစ်တာ၊
Queer Platonic Relationship ဆိုတဲ့အတိုင်း။
'' Havana " ဆိုတဲ့ သီချင်းကို လိုက်ညည်း၊ ပြီးရင်
" သူငယ်ချင်းသံယောဇဉ် " ဆိုတာကို Cover Song တစ်ပုဒ် ပြန်လုပ်ဆိုရအောင်၊
နင့်လက်ထဲက မှင်နီဘောပင်ကို လွှင့်ပစ်လိုက်၊
မင်းဟာ သိပ်ဟန်ဆောင်တတ်တဲ့ မာယာ၊
ဒီလိုပဲ၊ မသောက်တာကြာတော့ ညဘက်တွေ အိပ်မပျော်ပြန်ဘူး၊
အားလုံး ကိုးကားလို့ရအောင် အမိုက်စားစာသားနှစ်ကြောင်းကို ရှာဖွေရင်း
၂၇နှစ်လုံးလုံး ထုံကျင်ကိုက်ခဲလာတယ်၊
လုပ်သင့်တာကို မလုပ်ဖြစ်ရင်တောင်
လုပ်ချင်ရာကို လုပ်လိုက်ရလည်း အိုကေတယ် မဟုတ်လား၊
မင်း ရှေ့ကိုထွက်ခဲ့၊ အလင်းရောင်အောက်ကို တိုးခဲ့၊
စိတ်တစ်ခုလုံး ပူလောင်အိုက်စပ်နေပေမယ့် ငါလည်း မင်းလိုပဲ ရဲရင့်ဖို့၊
လတ်ဆတ်တဲ့စကားလုံးဆိုတာ သစ်ရွက်စိမ်းကလေးပေါ်မှာ
တစ်ပေါက်ပေါက်နဲ့ ခုန်ဆင်းနေတဲ့ မိုးရေစက်၊
ငါ့ကို နမ်းဖို့မကြောက်နဲ့...
ပူရှိန်ချိုချဉ်တွေ ငါ ၀ါးစားထားတာ နင့်တစ်သက်လုံး ။     ။။


နရီမင်းထက်
71017

Comments

Post a Comment

Popular posts from this blog

Left Hand Man

-
Left Hand Man ..................... မင်း အိပ်တဲ့အခါ ငါ့ကို နှုတ်ဆက်ခဲ့ပါလို့ ငါ ပြောချင်ပေမယ့် ငါ့မှာ တောင်းဆိုပိုင်ခွင့်မှ မရှိပဲ... ဒီတော့ ငါ နာကျင်နေလိုက်တယ်...။ မင်းနဲ့ တခြားလူရဲ့ကြားမှာ ငါဟာ ကြားညပ်နေပြီလား လို့လည်း တွေးတယ်၊ ဒီတော့ကာ ငါဟာ ဝေးရာ ပြေးထွက်သွားချင်တယ်၊ တိမ်တွေနဲ့ လမ်းကြုံလိုက်လို့ရရင် လိုက်ချင်ပါတယ် (သို့/တိမ်များ ကျနော့်ကို ဆက်သွယ်ပေးပါ။ ပါးချိုင့်လေးဟာ ငါ့ရဲ့ blackhole  ဖြစ်ပါတယ်။ ငါဟာ တွင်းနက်ထဲ ပြုတ်ကျတော့မယ့် အာကာသလူ ပါ။ ဆွဲအား ဒဏ်က မလွတ်မြောက်နိုင်သူပေါ့။ တိရိစ္ဆာန်လေးတွေကို ချစ်ပါတယ်။ ခွေးစုတ်ဖွားလေးတွေကို ပါ။ အထူးသဖြင့် မင်း ညတိုင်း ပို့တတ်တဲ့ ခွေးလေးက သူ့ဖာသာ စောင်ကို လှိမ့်ပြီး ပတ်လိုက်တဲ့ gif ရုပ်ပုံလေးပေါ့။ ငါဟာ စိတ်ပုတ်တတ်သူပါ။ မင်း နဲ့ ဟိုတစ်ယောက်နဲ့ ဘယ်လိုအခြေအနေရှိမှန်း မသိပေမဲ့ သူနဲ့မင်းနဲ့ offline ဖြစ်သွားတဲ့အချိန် တူနေရင်တောင် Her ဇာတ်ကားထဲက ရေနွေးကရားလို ဆူပွက်လာမိသူပါ။ ငါဟာ ပြာဖုံးနေတဲ့မီးတောင် တစ်ခုပါ။ ဓာတ်ပုံထဲမှာ သူမဟာ ရေခဲချောင်းကို ကိုင်ပြီး ပြုံးပြေ...
ဆက်ဖတ်မယ်...

မြစ်ပျိုမ - ၂

-
မြစ်ပျိုမ - ၂ ခုချိန်ဆို မင်း ဘာလုပ်နေမလဲ တွေးနေမယ် ဘောပင်ကို လက်ထဲလှည့်ရင်း စာရေးနေတယ် ဆောင်းရာသီပေမယ့် ဒီမှာမအေး အဲဒီမှာဆိုရင်တော့ မင်းကို နွေးနွေးထွေးထွေး ရှိစေချင်။ ဒီထက် ဆံပင်ရှည်လာရင် ဒီထက် ပါးဖောင်းလာရင် ဒီထက် ၀ လာရင် မင်းရဲ့အ၀တ်တွေ တော်ပါဦးမလား စိုးရိမ်မိ မပိုင်ဆိုင်ဖူးတဲ့သစ်ရွက်အတွက် ငါ        ဇောကပ်မိပုံ။ သီချင်းအသစ်တွေ ငါ လိုအပ်နေပြီ၊ ခေါ်သံအသစ်တွေ ငါ လိုအပ်နေပြီ၊ အပြုံးအသစ်တွေ ငါ လိုအပ်နေပြီ၊ အမ်စတာဒမ်မှာ ကဗျာတစ်ပုဒ် ရွတ်ချင်ပြီး ဘာလင်က နှင်းတွေကို အတူထိုင်ကြည့်ချင်တယ်။ ဒါတွေဟာ သူရူးအိပ်မက်မျှသာပါ (ပြုံးမိတယ်) တကယ်တော့ ငါ    ပြောချင်တဲ့   အမှာစကားတစ်ခုရှိ။ အဲ့ဒါက မင်းရယ် မင်းရဲ့သံယောဇဉ်ကြိုးစတစ်ဖက်ကို ဆုပ်ကိုင်ထားသူရယ်... တစ်ယောက်ကိုတစ်ယောက်      မလွှတ်ချကြဖို့။      ။ နရီမင်းထက် ၂၉၁၂၁၆ PM
ဆက်ဖတ်မယ်...

ကဗျာဆရာ

-
(၁) လွန်ခဲ့တဲ့တစ်ချိန်တုန်းက မောင်နေသန် (သူ့ကလောင်နာမည်က အဲ့လို)က ညွှန်းလို့ ဇာတ်ကားတစ်ကား ရှာကြည့်ဖူးသည်။ The Philosophers - After the Dark ထင်သည်။ ဖီလိုဆော်ဖာ သင်တန်းသားတွေကို သူတို့ဆရာက နောက်ဆုံး ဖိုင်နယ်အဖြစ် Thought Experiment တစ်ခု လုပ်ခိုင်းသည်။ logic ကျကျ ဆင်ခြင်ခိုင်းခြင်း ဖြစ်သည်။ ကမ္ဘာပျက်ပြီဆိုပါစို့။ Shelter တစ်ခု ရှိမည်။ အဲ့ဒီ Shelter ထဲ ကျန်ရစ်နေထိုင်နိုင်သူက အသက်ရှင်သန်ရမည်။ အနာဂတ်ရဲ့လူသားတွေ ဖြစ်လာမည်။ ပြဿနာက Shelter က အချိန်အကန့်အသတ်၊ လူအကန့်အသတ် ရှိသည်။ ဒီတော့ ကမ္ဘာပျက်ချိန် ကပ်ဆိုးကျချိန်မှာ အဲ့ဒီ Shelter ထဲ ရှင်သန်ကျန်ရစ်ဖို့ရာ ဘယ်သူတွေက သင့်တော်သလဲ။ ဘယ်လိုလူတန်းစားတွေက သင့်တော်သလဲ ဆိုတာ ဖြစ်သည်။ တကယ့် Brain Stroming လုပ်ခိုင်းခြင်း ဖြစ်သည်။ ထားပါ။ အဲ့ဒါက။ အဲ့ထဲမှာပါတဲ့ ဇာတ်ဝင်ခန်းကို ပြောချင်တာ ဖြစ်ပါသည်။ ဇာတ်လမ်းထဲမှာတော့ Shelter ထဲကို ၀င်ဖို့ လူရွေးချယ်ရာမှာ တစ်ယောက်က ကဗျာဆရာ ဟု ပြောလိုက်သည်။ အဲဒီ ကဗျာဆရာ ဆိုတဲ့လူကို ချက်ချင်း သေနတ်နှင့် ပစ်သတ်လိုက်လေသည်။ ဆိုလိုတာက ကမ္ဘာအတွက် ရှင်သန်ကျန်ရစ်ဖို့၊ ကမ္ဘာကြီး ပြန်တည်ဆောက်ဖို့၊ မရှိမဖြစ်လိုအပ်တဲ့ သူတွေထ...
ဆက်ဖတ်မယ်...